Lalaking hubog ug nangilkil, nakuhaan sa illegal nga druga

9

Nakumpiska sa kapolisan sa Opol Municipal Police Station ang duha ka sachet sa shabu, usa ka aluminum foil ug singko pesos nga kwarta gikan sa 27 anyos nga si Jovan Zamboang, nga taga-Zone 1, Barra, Opol, Misamis Oriental.

Gibutyag ni Police Senior Insp. Rowell Bolano Flores, ang office-incharge sa Opol P-N-P nga nakadawat sila og report kalabot na sa usa ka hubog nga mihimo sa pagpangilkil sa driver ug kondoktor sa P-U-J sa crossing sa Barra sa maong lalawigan.

Tungod niini, gilayon silang miresponde og gikapkapan si Zamboang kung wala ba kini dalang mga hait nga hinagiban o unsa man butang nga delikado apan maoy ilang nakuha ang illegal nga druga sa bulsa niini.

Sa karon anaa na sa Crime Laboratory ang ilegal nga druga alang sa Qualitative ug quantitative nga eksaminasyon.

By: RadyoMaN Ellah Baculio

Facebook Comments