Lalaking may kasong kawat-dakpan

Handcuffs

General Santos City–Gipaabot na lamang sa Polomolok PNP ang Commitment Order gikan sa korte aron hingpit nang mabalhin sa provincial jail sa Koronadal City ang suspetsadong si Rico Cabungcal, 48 anyos, driver ug nanimuyo sa Purok Mahayahay, Brgy. Cannery Site, Polomolok, South Cotabato.

Kahibaluan nga una nang nasikop ang suspek sa mga personahe sa Polomolok Police Station human gipakanaugan ug warrant of arrest sa Barangay Magsaysay sa naasoyng munisipyo sa kasong pagpangawat dunay criminal case no. 4180-15 nga dunay piyansang girekomenda ang korte nga nagkantidad ug P20,000.00

Ang maong warrant pinetsahan pa niadtong June 11, 2015 nga giisyu ni Hon. Judge Oscar Noel sa RTC-branch-35 sa Polomolok, South Cotabato. Sa kasamtangan nagtingkagol sa selda sa Polomolok PNP ang nasampit nga dinakpan.(Reynald Timario)


Facebook Comments