Lalaking misukol sa drug bust patay

Davao City- Dead on arrival ang usa ka gituuhang nalambigit sa iligal nga droga human napusilan tungod misukol sumala pa ang lalaki atol sa gihimong buy-bust operation sa Philippine Drug Enforcement Agency (PDEA) XI.

Giila sa PDEA ang lalaki nga si Alfredo BiƱas III alyas Pugoy, 28 anyos taga Barangay 22-C ning dakbayan.

Gihimo ang maong operasyon kagahapong adlawa, Disyembre 5 sa Purok 1, Barangay 31-D, Boulevard, Davao City alas 3:35 sa hapon sa pagpanguna ni PDEA Director Antonio Rivera.


Base sa report sa PDEA XI, nakapansin na ang suspek sa anti-drug operation ug misukol sumala pa sa dihang arestuhon na unta kini apan mibunot si alyas Pugoy sa iyang .38 revolver apan naunhan nga napusilan ang suspek.

Gidala pa ang suspek sa Southern Philippines Medical Center (SPMC) apan gideklara na kining dead on arrival sa attending physician.

Narekober gikan sa suspek ang tulo ka sachets sa gituuhang shabu nga dunay street value nga kapin kun kulang 5,000 pesos lakip na usab nakumpiska ang 1,000 pesos buy-bust marked money ug .38 revolver.

RadyoMaN Renz Barbarona

Facebook Comments