Lalaking nag ‘terrorism joke’ sa Samal bridge nag public apology na

89

Davao City – Nagpahimangno ang Local Government Unit (LGU) sa Island Garden City of Samal (IGaCoS) sa publiko nga likayan ang pagpakatag og ‘fake news’ nga muhatud og panic sa katawhan.

Kini human sa pag post sa social media sa usa ka perpetrator nga si Philip Mehino, taga Catalunan Grande, Davao City labot sa planong kadaut sa himuong Davao – Samal bridge, diin aduna pay hulagway sa mga terorista.


Sa interbyu sa DXDC RMN Davao kang IGaCoS Mayor Al David Uy, gibutyag niini nga nangayo na og pasaylo sa publiko si Mehino sa iyang nahimo diin sulti niini, pang pa-good vibes lamang sumala pa kini sa dihang iyaha kining gi-post sa ‘Samal QR code’ public group sa Facebook, apan wala kini gikalipay sa netizens ingon man sa lokal nga gobyerno.

“Naistorya nako (ang perpetrator). Giamin man niya. Ang iyaha diay ato pang good vibes daw kay it was a meme. Pero it was not a… kung baga good vibes gone wrong kay mga notado man nga mga terorista ‘tong gi-post niya, ‘tong Maute ug kadtong mga sympathizers, and diri sa Samal man gud we take terrorism seriously,” matud ni Uy.

Matud sa Alkalde, dili na kasohan si Mehino human kini ni-surrender ug nag ‘public apology’, diin nalooy usab si Uy tungod kay pamilyado ang nahisgutan.

Bisan pa man, kini usa ka seryosong warning kaniya ug sa publiko nga dili himuon ang susamang binuhatan.



Samtang, nagbaton na og arrangement ang Mayor ug ang usa ka concern citizen nga mi-report kaniya labot sa impormasyon sa perpetrator, diin adunay gisaad si Uy nga P50,000 reward money sa makahatag og impormasyon niini.


RadyoMaN Kirby Manzon

Facebook Comments