Lalaking naghuromentado, arestado

Davao City – Gi aresto sa kapolisan sa Tugbok ang usa ka lalaki nga nag wild human kini naka inom og ilimnonng makahubog.

Ang suspek mao si Noel Quintlan Solano, 33 anyos, Lumad nga taga Zamboanga del sur ug transient resident sa Purok Saging Bonggan Barangay Talandang Tugbok District ning siyudad samtang ang complainant nga silingan niini mao si Vivian Solano Sarona, 39 anyos.

Sa rekord nga nahipos sa Tugbok PNP, bandang ala 1:00 sa kahaponon misulong ang respondent sa panimalay sa complainant nga hubog.


Kalit gilabayan ni Solano og bato ang balay ni Sarona hinungdan sa pagka buak sa jalousie sa iyang bintana gawas niini gipangguba usab sa maong lalaki ang iyang koral nga kawayan.

Misulod usab si Solano sa panimalay sa complainant og gisulayan og bunal ang anak ni Sarona.

Gawas niini mikuha usab og sundang ang respondent dayon nag alirong sa ilang tungkaran hinungdan nga midangop ang complainant sa kapulisan aron ipaaresto ang maong lalaki.

RadyoMaN Paul Canono

Facebook Comments