Lalaking naharang sa checkpoint nakuhaan og marijuana

Davao City – Naharang sa kapolisan sa Bunawan ug Task Force Davao ang usa ka lalaki human nakuhaan og pinaugang dahon sa marijuana alas 5:00 sa kahaponon didto sa Task Force Davao Check Point sa Licanan Barangay Lasang syudad sa Davao.

Sa report gikan sa Bunawan PNP naila ang suspetsado nga usa ka Nelgen Amalias Jr., 21 anyos, ulitawo residente sa Purok 16 Buhisan Tibungco ning dakbayan.

Sumala pa, sa dihang nagpahigayon og checkpoint ang mga personahe sa kapolisan kauban ang Task Force Davao nakuha sa suspek ang pakete nga gisulod sa color blue sling bag nga gituohang pinaugang dahong sa marijuana hinungdan sa pagkasikop ni Amalias.


Balhug na sa Bunawan PNP ang suspetsado ug mag-atubang og kasong kalapasan sa RA 9165 Comprehensive Dangerous Drugs Act of 2002.

RadyoMaN Don Pulayao

Facebook Comments