Naa na karon sa Initao Provincial Jail sa Misamis Oriental ang usa ka lalaki human iyang nabanggaan patay ang bana sa kapitan sa Barangay Sto. Niño, Libertad, Misamis Oriental.
Matud ni Police Sr. Insp. Jackson Cabanatan, Hepe sa Libertad Municipal Police Station nga boluntaryong misurender niadtong Martes sa hapon ang suspek nga si Junrey Antigbao nga taga Tuod, Manticao, Misamis Oriental.
Nag-atubang sa kasong reckless imprudence resulting to homicide ang suspek.
Mahinumduman nga sakay sa iyang motorsiklo ang biktimang 52 anyos nga si Carlos Bongalos, asawa ni Kapitana Remelda Bongalos sa Barangay Sto. Niño, Libertad, Misamis Oriental sa dihang nabanggaan ni Antigbao nga sakay usab sa iyang motorsiklo.
Nahitabo ang insedente niadtong Dominggo sa gabie sa Barangay Ougis, Initao, Misamis Oriental.
PC: PIO, Misamis Oriental Provincial Capitol
