Lalaking nakigsumbagay nakuhaan og marijuana

7

Davao City – Arestado sa kapolisan sa Talomo ang usa ka trisikad driver human kini nakuhaan og pinaugang dahon sa marijuana.

Ang suspek mao si Jeffrey Cuestas, 21 anyos residente sa Ortega Village Bangkal ning siyudad.

Sa rekord sa kapulisan ang suspek dunay naka away ug nakig sumbagay kini sa usa ka alyas Kokoro ddto sa ilang lugar.

Aron dili na mutaas ang away sa duruha gibadlong kini ni Jomar Tampot Villabert, 32 anyos ug sa dihang adunay gihulbot gikan sa hawak ang suspek nagtuo si Villabert nga usa kini ka hinagiban apan nasayran nga usa diay kini ka pinaugang dahon sa marijuana.

Sa mao nga insidente dali silang nanawag og assistance sa kapolisan ug kasamtangan nga gibalhog na sa bilanggoan ang dinakpan ug mag atubang kini sa kasong paglapas sa RA 9165 kun Comprehensive Dangerous Drugs Act of 2002.

RadyoMaN Paul Canono

Facebook Comments