Lalaking nakit-ang patay sa Digos, notadong kawatan

63
Davao City – Padayon pang gisusi sa awtoridad ang motibo sa pagpatay sa usa ka lalaki nga nakaplagan sa bakanteng lote sa Bypass Road, Purok 5, Barangay Matti, Digos City, Davao del Sur, alas 7:00 sa buntag niadtong Sabado (June 25, 2022).

Sa interbyu sa DXDC RMN Davao kang Police Lieutenant Colonel Hamlet Lerios, Officer In-Charge sa Digos City Police Station , gibutyag niini ang lalaki nga biktima usa ka notadong kawatan diin bag-o ra kini nakagawas sa prisohan human kini nakapyansa sa maong kaso.

“Hindi pa natin ma ano (establish) ang motive ani. Pero ang background ng biktima, notado daw ‘ni nga kawatan base sa mga kumpirmasyon,” sulti ni Lerios.

Nasayrang usa ka caretaker ug residente sa maong lugar ang nakakita sa patayng lawas ug maoy ni-report sa kapulisan.

Nakagapos og masking tape ang mga tiil sa biktima. Dunay samad sa ulo, nakasuot og white t-shirt, checkered short pants, naka stripe og inner shirt, pula nga underwear, gibana-banaang anaa sa 5’6” ang gitas-on, ug anaa sa 20-30 ang pangidaron.

RadyoMaN Kirby Manzon

Facebook Comments