Sultan Kudarat – Balhog na sa silda sa kapulisan ang usa ka lalaki human nakuhaan ug armas ug bala sa may Barangay New Cebu, Lambayong, Sultan Kudarat atol sa gihimong operasyon sa Lambayong Municipal Police Station ug 22nd Mechanized Company sa 2nd Mechanized Infantry Battalion.
Giila ang dinakpan nga si Cio Edon Lumenda, 35, minyo ug residente sa nasampit nga lugar.
Nasayran nga nakuha sa posisyon sa suspek ang usa ka unit sa Colt M1911 Cal. 45 nga pusil, bala ug magazine.
Una nang nakadawat ug report ang Awtoridad nga matud pa dunay gihuptang armas nga dili lisensyado ang suspek maong gipahigayonan kini ug operasyon. Wala na makapalag ang suspek dihang klaro ug tataw ang ebidensyang gihuptan niini.
(Photo: for illustration only)
Facebook Comments
