South Cotabato–Luwas na sa makuyaw nga kahimtang ang usa ka 26 anyos nga mag-uuma nga si Lenza Dialang nga taga Kiblawan, Davao Del Sur kansa napusilan sa iyang uyuan nga si Ciano Dialang human kining naalaan ug baboy ramo gamit ang 12 gauge shotgun niadtong adlaw nga Biyernes alas 6:00 ang takna sa buntag
Sumala pa ni Police Captain Joseph Villanueva ang Hepe sa Tampakan Municipal Police Station nga nag-uban matud pa ang mag uyuan paadto sa kabukiran nga bahin nga sakop sa Kiblawan, Davao Del Sur boundary sa Tampakan South Cotabato aron nga mang hunting ug baboy ramo dihang nakit-an sa uyuan nga nagalihok ang mga dahon sa iyang atubangan nga dili usab layo kaniya wala niya namatikdan nga iya kadtong pag āumangkon ang nagalihok hinungdan nga iya kining gipusil sa pagtuo nga usa ka baboy ramo nga miresulta sa pagkaigo sa tiyan sa biktima
Saysay man usab ni Villanueva nga human sa panghitabo gilayon man usab gidala sa uyuan ang pag-umangkon niini sa may danlag gumikan kay haduol lamang ang Tampakan ug aron mapadali ang pagdala sa ospital samtang wala na muoban ang uyuan sa ospital gumikan kay misibat kini tungod sa kahadlok sa iyang nahimo.
Pagpaklaro usab sa opisyal nga posibleng mahagbong sa areglo ang kaso tali sa mag-uyuan gumikan kay ilahang nahinabi ang biktima ug ang pamilya niini nga andam kining makipag areglo gumikan kay usa lamang sila ka pamilya. (Reynald Timario)
