General Santos City–gihingusgan karon ni Polomolok Police Station, Deputy Commander Police Senior Inspector Heman Gabat nga notadong pusher ang ilahang nasakpan sa gipahigayong drug buy-bust operation kaniadtong milabayng adlaw sa may Purok Silway 8 Polomolok South Cotabato.
Kahibaluan nga nanghimakak ang dinakpan nga si Reynante Tinoco, 34 anyos, ulitawo nga iyaha kadtong usa ka sachet sa gituohang shabu nga nakuha sa mga operatiba sa kapulisan. Dugang pa ni PSI Gabat nga normal lamang nga manghimakak ang maong suspek human kini mapalitan og shabu og sa korte na niini ipamatuod nga dili iyaha ang ang nakuhang drogas gikan sa iyang posisyon.
Gihingusgan pa sa kapulisan nga mismo ang iyahang mga parokyano nga mga trabahante sa usa ka piggery haduol lamang sa iyahang gipuy-an sa may purok pag-asa silway 8 polomolok ang misumbong na ngadto sa kapulisan nga siya ang gabaligya ug shabu sa mga trabahante sa piggery.
Sa pagkakaron ang suspek ang mag atubang sa kasong pagpamaligya og shabu kon selling ilawom sa republic act 9165 kon Comprehensive Dangerous Drugs Act of 2002.
