Lalaking nasikop sa PS-2 sa buy-bust operation nakasuhan na

General Santos City–Nakasuhan na sa kapulisan ug kasong kalapasan sa RA 9165 kon Comprehensive of dangerous drugs act of 2002 ang suspetsadong si Jaime Marturillas Jr. 31 anyos, ulitawo, construction worker residente sa lot 5, Sugod Brgy. Apopong ning dakbayan kansa nasikop sa buy bust operation sa kapulisan.

Una nang nasikop ang nasampit pasado alas 9:00 sa gabie sa national hi-way atubangan sa usa ka funeral homes niadtong adlaw nga Sabado human gipahigayonan ug buy bust operation sa Station Drug Enforcement Unit sa Police Station 2 ug mga personahe sa PDEA 12.

Atol sa operasyon napalitan ang suspek ug usa ka sachet nga gituohang shabu sa usa ka poseur buyer nga sakop sa operative team gamit ang 500 pesos nga buy bust money.


Dako man usab ang pagmahay sa nasampit sa nahitabo kaniya apan ulahi na ang tanan ug andam niining atubangon ang kaso nga ipasaka batok kaniya.(Reynald Timario)

Facebook Comments