Lalaking sakay sa bangka nga nakaplagang patay-biktima sa krimen

Maasim, Sarangani Province–Padayon pang naglusad ug makuting imbestigasyon ang kapulisan sa Maasim bahin sa pagpatay sa biktima nga si Edmund John Sedaya, 23 anyos, nga taga Purok Sentro, barangay Kablacan , munisipyo sa Maasim, Sarangani Province.

Kahinumduman nga bandang alas 8:00 sa buntag una nang nakaplagan ang biktima nga sakay sa bangka ug nag utaw-utaw sa lawod nga bahin sa may barangay Poblacion sa nasampit dapit.

Adunay samad sa dughan nga bahin ang nasangpit kini subay sa pamahayag ni Police Corporal Sukran Sugod, desk officer sa Maasim PNP.


Posible matud pa nga gipatay ang biktima sa wala pa nailhing mga suspetsado, apan dili pa nila mabutyag kung gipusil o gidunggab ang biktima.

Sa karon padayon pa sa pagpangalap ug ibedensya ang kapulisan aron masayran kung si kinsa ang mipatay ngadto sa biktima.

Facebook Comments