Lalis sa mag live-in partner nisangpot sa binarilay sa mga CAFGU

233

Davao City – Tulo ka mga kinabuhi ang nakalas apil ang suspek nga usa ka CAFGU atol sa nahitabong shooting incident sulod sa kampo sa Echo Company ubos sa 72nd Infantry Batallion sa may Brgy. Sanghay, Malita, Davao Occidental.

Sumala sa report sa Malita Municipal Police Station nga adunay nahitabong panaglalis sa suspek nga si CAA Jomar Dangagon ug sa iyang kapuyo nga si Angel Mangcal kinsa nibisita sa maong kampo.

Giingong gipusil-patay sa suspek ang biktima busa nihangyo ang mga ka-tropa niini nga buhian ang iyahang armas.

Wala magpatuo ang suspek ug nagpabuto kini ug napusilan sa tiyan ang kaubanan niining CAFGU nga si Reto Anguiling.

Niresbak ang laing CAFGU nga si Efren Barring ug naigo pa niini ang liog sa suspek.

Apan nibalos ang suspek ug naigo niini ang ulo ni Barring hinungdan sa iyahang kamatayon.

Samtag, daling gidala ni SGT. Roel Estalbio ang detachment commander ang samaran nga CAFGU nga si Anguiling sa Malita District Hospital.

Gipailawom ang 3 ka mga patayng lawas sa post mortem examination.

Narekober sa crime scene ang usa ka basyo sa M14 ug lima ka basyo sa M16.

RadyoMaN Aimee Guinita

Facebook Comments