Landslides sa Davao gipangandaman

Davao City – Gipangandaman na sa lokal nga panggamhanan sa Davao sa pagpanguna sa Davao City Disaster Risk Reduction Council (DCDRRMC) ang posibleng mga landslide tungod sa masinatiang mga pag-ulan.

Sumala ni Prime Cruz, Kabalikat Civicom 995 Davao City Chapter Head, apil na ang ilang grupo nga mihatag ug mga pagpasabot o edukasyon sa katawhan sa kabarangayan ilabina sa Marilog District kabahin sa pagpangandam batok se senaryong pagdahili sa yuta.

Gipasabot ni Cruz nga aron makalingkawas sa dakung distroso ilabi na sa mga nagpuyo daplin sa kasapaan ug kabaybayunan, gikinahanglan ang mga tawo alerto ug motuman sa mga mando sa gobyerno sama sa pagpamakwit.


Gitataw usab ni Cruz nga gikinahanglang adunay ngipon ang mga balaud nga nagdili sa mga lugar nga dili pwedeng puy-an tungod kay peligro sa kalamidad.

RadyoMaN Bernard Pantallon

Facebook Comments