Langyaw ug PUJ driver parehong giatras ang reklamo sa ilahang away trapiko

106
Davao City- Udto kagahapong adlawa human niulbo ang kasamok sa may dalang Ponciano dinhi sa syudad sa Davao tali usa ka langyaw nga driver ug PUJ driver.

Matud sa San Pedro Police nagsugod ang komprontasyon sa duha ka mga drivers dihang naitok ang langyaw nga driver human kalit nga niliko ug nihunong ang puj driver sa iyahang tungod aron mudrop og pasahero.

Nisamot na ang tensyon dihang nikanaog na ang langyaw nga driver sa iyahang sakyanan og giigo ang side mirror sa nasangpit nga jeep, nikuha og tubo ang jeepney driver og gihapak kini sa nawng sa foreigner.

Nailog sa langyaw ang tubo ug gisuklan usab niini ang kaaway nga driver nga giingong naigo usab ang nawng ug bukton.

Niuwang ang mga personahe sa Bureau of Fire Protection ug gibulang ang duha ka mga draybers.

Nangayog assistance ang mga Bfp Personnel ngadto sa PNP.



Sulod sa istasyon sa pulis nagkasinabot na anv isig kakampo nga dili na muduso pa og kaso sa matag usa ug ipadayon nila ang settlement ngadto sa Barangay alang sa mga medication subay sa nahitabong road rage.

RadyoMaN Aimee Guinita

Facebook Comments