Laoag City Councilor Handy Lao, Binigbig ti Superbrands kas Outstanding Local Legislator iti Pagilian

Ilocos Norte – Bigbigen Superbrands Marketing International, Inc.(SMI) ni Konsehal Handy Lao kas Outstanding Local Legislator iti pagilian a Pilipinas.

Nupay agdadamo iti politiko, naruay dagiti nagun-odanna babaen ti pangipaayna ti serbisyo para iti siudad ti Laoag. Tinutokanna ti panangsaluad kadagiti negosyo ken negosyante babaen ti panagpanday linteg iti konseho ti siudad.

Maysa kadagiti pinutarna a linteg ket ti city ordinance no. 2017-041series of 2017; a daytoy ket mangipaay ti proteksyon kadagiti ‘consumers’ wenno aggatang ti ‘second-hand’ wenno ‘used cellular phone devices’ babaen ti ‘identification’ wenno pakabigbigan ti gumatang.


Naitiempo met daytoy tatta iti panagpirma ni Presidente Rodrigo R. Duterte ti Republic Act (R.A.) no. 11202 wenno “Mobile Number Portability Act” – wenno masapul nga permanente ti mausar a contact number ti kada tao.

Ni Konsehal Lao ket miembro ti National Movement of Young Legislators – Ilocos Norte Chapter nga idadauloan ni Ilocos Norte Board Member Matthew Marcos Manotoc, Hall of Fame awardee ti nasao a pammadayaw.

Ti SMI ket maysa kadagiti award-giving-bodies iti lubong a mangbigbig ti kalidad dagiti agserserbi iti gobierno para ti publiko. Iti Ilocos Norte, maysa ni Governor Imee Marcos a nakagun-od ti three-time awards manipud 2015 aginggana 2017 (Hall of Fame). Kasta pay a three-time awardee ni Laoag City Mayor Chevylle Fariñas manipud 2016 aginggana 2018.

Bernard Ver, RMN News

Facebook Comments