Larawan sa labaw sa BFP Gensan nga nagatubang ug beer sulod sa iyang opisina-gitubag

25

General Santos City–gitubag ni Fire Senior Inspector Reginald Legaste ang issue bahin sa larawang nangkatag karon sa social media diin nagpakita nga adunay daghang botelya sa beer sa ilang atubangan samtang anaa sulod sa opisina niini sa Bureau Of Fire Protection Gensan.

Sumala ni Legaste nga ang maong hulagway kuha atol sa graduation day sa mga bag-ong graduate nga mga bombero bag-uhay lang. tungod walay pundo ang buhatan alang sa venue nasabutan nga didto nalang ipahigayon ang aktibidad.

wala sya masayod nga hatagan diay kini ug kolor sa kinsa man nga nagpakatag sa maong hulagway.

gibutyag ni Legaste nga alang kaniya normal lang sa usa ka okasyon nga dunay presensya sa beer. Apan iyang giklaro nga kini isolated lang ug panahon lang sa okasyon. Nanghinaot usab si Legaste nga unta dili lang mahatagan ug malisya ang pagkatag sa maong photo tungod iyang gipaniguro nga siya seryoso sa trabaho.

Gidugang usab ni Legaste nga daghan pa ug mga programa nga ipatuman Sa Bureau Of Fire Protection hilabi na sa hisgutanang pagpalambo pa sa maong buhatan. Kung unsa matud pa ang iyang gipatuman sa nga programa sa Koronadal City iyang dad-on dinhi sa Gensan.

Aminado usab ang nahisgutan nga daghan syang angayang usbon sa BFP Gensan aron nga mas mulambo pa ang serbisyong ilang ihatag sa katawhan.

Facebook Comments