Lasang ug Sirawan checkpoint gipahugtan, usa ka van na-hold

Davao City – Wala matud pay exempted sa gipatumang checkpoint sa Licanan Brgy. Lasang lakip na sa Sirawan Toril ning syudad subay sa pagsigurong dili makalusot ang mga terorista dinhi sa dakbayan.

Sumala ni Col. Danny Bustamante sa Task Force Davao atol sa pakighinabi sa DXDC news team, adunay panahon nga dili lang ID ang ilang ginapangita gikan sa mga indibidwal, ginasukit-sukit usab sa TFD ang katuyuan sa mga musulod ilabi na nga matud pa adunay ubang citizen nga pareho og dagway sa Pilipino apan dili diay pinoy hinungdan ila kining storyahon ug pangitaan og ubang mga dokumento.

Samtang adunay na-hold nga usa ka van nga pasulod sa syudad nga puno og mga babaye atol sa check point operation sa militar sa Sirawan, Toril karong buntag.


Sumala pa puno og mga babaye ang maong van hinungdan nga gisukit-sukit kini sa otoridad tungod sa pag-alerto sa human trafficking.

Gipangitaan og mga pertinenteng dokumento ang maong grupo sa kababayen-an ug nasayran nga magpamedical ra diay kini isip requirement sa ilang pagpanarbaho abroad.

Hangyo sa otoridad ngadto sa publiko nga mukooperar kanila alang sa seguridad sa tanan.

RadyoMaN Renz Barbarona/RadyoMaN Jason Amisola

Facebook Comments