Muerto el un moher despues ya man lata deste cabesa cuando ya pasa insima conele el un water tanker na Calarian enantes medio dia.
Por swerte ya sale lang tamen irido deste Jojo edad de 2 año.
Si Merilou Sahisa Maujon Tajonera, de Sinunuc ta maneha le consu scooter motorsiclo llebando consu hijo encamino para na Sinunuc cuando ya dale encuentro el water tanker ta maneha si Jomar Lactao ya man bangga canila.
Por swerte el bata ya guinda na urilla del calsada mientras si Merilou muerto dayun.
Ya perde el preno del water tanker si porque ya barre tamen este con mucho otro maga vehiculo na calsada including de gobierno y privado vehiculo.
Hasta por ultimo yan bangga este con un gasoline tanker y ya para ya el truck.
Con el tsuper del water tanker dayun ya aguanta el maga pulis.
