Pagadian City – Gustong ipa-otopsiya sa inahan ang patay nga lawas sa iyang anak nga estudyante nga nakabsan samtang nipailalom sa training sa Reserve Officers’ Training Corps. kun ROTC aron masayran ang tinood nga hinungdan sa kamayon sa 21 anyos nga anak.
Pangandoy sa kolehiyong estudyante nga si Roel SediƱo nga mahimong sundalo o pulis busa nakadesisyon kini nga misalmot kini 28 ka adlaw nga pagbansay-bansay isip kadete sa Officers Advance ROTC program diha sa Headquarters 9th Regional Community Defense Group (9RCDG).
Nanghinaot ang inahan sa biktima nga si Julieta SediƱo nga masayran ang tinood nga hinungdan sa kamatayon sa iyang anak ilabina nga may bun-og sa lain-laing bahin sa lawas ang biktima.
Gipasabot usab ni Major Alberto Ramirez ang Director sa 903rd (ZDS) Community Defense Center nga gidala pa sa ospital training staff ang biktima apan girekomenda sa doktor nga ipauli kay nagkinahanglan lang og pahulay ang bata apan tulo oras ang nakalabay nilagom na ang biktima og naglisod na sa paginhawa.
Gibutyag sa opesyal nga base sa Death Certificate Cardiac Dysrhythmia secondary to sepsis pulmonary congestion ang hinungdan sa kamatayon ni SediƱo apan abli gihapon sila kon ipailalom sa otopsiya ang patay nga lawas sa biktima.
Si SediƱo apil unta sa 272 ka mga kadete nga mogradwar sa sa advance ROTC Program karong hulyo 8 ning tuiga.
