Lawenko sa DATSCO mipasalig protektahan ang P 100 M nga DBP loan

Ipatigbabaw ang transparensya sa dagan sa kwarta sulod sa Diamond Transport Service Cooperative (DATSCO) aron motunhay ug molambo pa ang kooperatiba nga maoy magpadagan sa modernong solar ug E-jeepney dinhi sa dakbayan sa Butuan ug lalawigan sa Agusan del Norte subay sa modernization program sa administrasyon ni Pang. Rodrigo Duterte.
Kini ang gisaad ni Evads Lawenko, ang Presidenti sa DATSCO ilabina nga milyones nga kantidad sa kwarta ang nalambigit niini diin karon giaprobahan sa Development Bank of the Philippines (DBP) ang 110 Milyon pesos nga loan aron mapalit ang modernong mga sakyanan.
Sa ipatumang sistema, awtomatikong Makita sa tanan ang pagsulod sa kwarta ug ang binuwan nga amortization nila sa bangko.
Kampanti si Evads nga molambo pa ang kooperatiba sanglit walay collateral ang bangko sa mao’ng loan ug siguradong mabayran ang mga unit sanglit gi-subsidiya kini sa kagamhanan.
Ang nakanindot niini nga kooperatiba kay wala nagbayad ug down payment ang membro sa unit apan apil siya nga mabahinan sa kita ug ginansya niini.
Kahibaloan nga sunod buwan hayan magsugod na sa pagpamasahero ang bag-ong mga unit nga iya sa DATSCO.
[image: evads.jpg]

Facebook Comments