Layout artist nakuhaan og marijuana arestado

38

Davao City – Nasikop sa mga barangay opisyal sa Brgy. 9-A ang usa ka Christian Reynor Manungas, 30 anyos, single, usa ka layout artist nga taga-Block 10 Lot 9 Suraya Homes, Buhangin siyudad sa Davao.

Base sa report gikan sa San Pedro PNP, mireklamo ang usa ka Katrina Mang Mang batok sa suspek nga misulod sa iyang balay nga way pagtugot kaniya hinungdan nga nagpatabang kini sa mga barangay opisyal niadtong tungora.

Narekober gikan sa dinakpan ang usa ka self sealing plastic bag nga dunay sulod nga pinaugang dahon sa marijuana nga mubalor og P2,000 mil, laing pang pinaugang dahon sa marijuana nga mukantidad og P50.00 ug mga drug paraphernalia.

Ang dinakpan nga si Manungas balhug na presinto dos ug mag-atubang sa kasong pagsupak sa Akta Republika 9165 Comprehensive Dangerous Drugs Act of 2002.

RadyoMan Don Pulayao

Facebook Comments