Davao City – Gilusad karong adlawa ang kampanya nga ‘LAYAS TIPDAS, resBAKUNA pangluwas!’ nagsugod alas 6:00 karong buntag hangtod unyang alas 12:00 sa udto alang sa mga lumulupyo sa Brgy. 23-C ning syudad sa Davao.
Sumala ni Hiraya Productions Project Director Edward Demerey sa University of the Philippines –Mindanao, tumong niini nga mutaas ang awareness kabahin sa tipdas ug ipasabot ang tumong sa vaccination.
Gipasabot niini nga napili nila ang Brgy. 23-C Mini Forest sa maong kampaya gumikan mao kini nga lugar ang adunay pinakataas nga kaso sa tipdas sa syudad sa Davao.
Saysay ni Demerey, usa usab ka Communication Arts student, adunay pagahimoong lecture, seminars, libreng bakuna, pakaon ug uban pang pahalipay alang sa mga residente sa maong lugar diin ginalauman nila nga 50-100 ka mga indibidwal ang makabenepisyo sa libreng pabakuna.
Ang kampanyang ‘LAYAS TIPDAS, resBAKUNA pangluwas!’ partner ang Davao City Health Office kinsa mag giya ug maghatag og impormasyon bahin sa tipdas lakip ang kahibalo sa vaccination samtang gipiling media partner usab ang DXDC RMN Davao.
RadyoMaN Jason Amisola
