Lending collector gipusil-patay

Davao City – Mas gipalawman na karon sa Buhangin PNP ang imbestigasyon aron matumbok ang motibo sa pagpamusil patay sa usa ka lending collector pasado 12:00 sa kaudtohon gahapong adlawa.

Usa ka bala sa .45 pistola ang mipatay kang Willier Beciera,49 anyos.

Gibutyag ni SPO1 Ruben Corsino nga wala pa silay matumbok nga hinungdan sa pagpusil patay kang Beciera.


Hinoon wala gipadaplin ang posibilidad nga may kalabutan sa trabaho.

Ang mga testigo naghulagway sa suspek nga aduna kini gitas-on nga 5 feet, nagsuot og puti nga t-shirt, naka-maong, ug nagsuot og black helmet.

Nasayran nga nagtindog atbang sa usa ka bakery sa may Palm drive Buhangin si Beciera samtang nagpaabot sa order dihang kalit mibutho sa likod ang armado ug dayon pusil sa usa ka higayon tumong sa ulo resulta sa hinanaling kamatayon.

Human sa hitabo yano mikagiw ang suspek sakay sa motor nga walay plaka agi sa Crossing Gladiola St.Buhangin.

RadyoMaN Joel Viray

Facebook Comments