Lending Collector nasamdan sa bulang, human nagubot ang gipasiugdang tari

54

Dipolog City – Nagpaalim pa karon sa probisyal hospital ang usa ka 34 anyos nga lalaki human nakahiagom ug mga samad sa iyang lawas, agi ug igo sa bulang sa manok igtalari nga giwara-wara sa gikalalis niining kuymi dihang nasamok ang gipasiugdang tari, sa miaging hapon didto sa Prk. Dos, Bgry. Diwan ning syudad sa Dipolog.

Si SPO1 Lemuel Poracan imbistigador sa kaso niila sa nasamdan biktima nga si Jasun Malaque Dagpin, minyo, usa ka lending colletor, samtang ang suspetsado mao si Allan Almirol Racelis, 48 anyos, kinsa maoy nagkuymi sa tari ug ang duha magsilingan sa susamang dapit.

Base sa inisyal nga imbitigasyon ni SPO1 Lemuel Poracan, nasayran nga ang duha uban sa ilang mga silingan sugarol, nagabot sulod sa ground sa may Diwan Elemtary School ug nagkasabot nga magtarig manok.

Sa ikaduhang sultada matud pa, nasamok human nasayran nga ang gitarian diay manok, gipanag-iya sa suspek nga maoy nagkuymi kon diin nabihag sa kaabtang niini ug wa madeklarar nga daog.

Ang biktimang si Jasun maoy dako ug pusta nialma sa gibuhat ug gikompronta ang suspek nga si Alan samtang nagbitbit sa duha ka manok nga dunay bulang nga maoy naingnan sa kagubot.

Ang suspek nagwara-wara matud pa sa duha ka manok gitarian, nga maoy nakatabas sa tuong kamot ug nataop sa tuong ilok sa niduol nga biktima.

Ang nagkadugo nga biktima nawad-an sa iyang panimuot kinsa gidali pagdala sa mga silingan ngadto sa Zamboanga del Norte Medical Certer aron katambalan.

Samtang ang suspek nisulay untag sibat palayo sa dapit, apan nadakpan ra sa mga nirespondeng mga Pulis ug SCAA kinsa balhog na karon sa selda sa Dipolog City Police Station.

Facebook Comments