HINIGARAN, NEGROS OCCIDENTAL – Ginabulubanta nga nagdangat sa P72 mil pesos ang balor sang suspected shabu nga narecover sa nadakpan nga suspek sa ginpatigayon nga drug buy bust operation kahapon sang hapon sa Brgy. 4, Hinigaran.
Nakilala ang suspek nga si Jude Tejada, 39 anyos ang edad, soltero kag pumuluyo sang Brgy. 3 banwa sang Hinigaran.
Si Tejada ang gina-categorized bilang Level 2 high value target sang Hinigaran Municipal Police Station sa bahin sang illegal nga druga
Na-recover sang mga operatiba halin sa possession sang suspek ang 2 ka dalagku nga plastic sachet sang suspected shabu nga nagabug-at sang 6 grams kag may street value nga kapin P72 mil pesos.
Lakip nga nakuha kay Tejada ang 800 pesos nga buy bust money kag isa ka cellphone.
Sa yara detained na sa custodial facility sang Hinigaran MPS ang amo nga suspek kag natalana nga pasakaan sang kaso./Not the actul photo
