Leyte PNP, magmumugna hin Task Group para han imbistigasyon han ambush ha Abuyog

TACLOBAN CITY – Diri lulung-an han mga otoridad an imbistigasyon han nahinabo nga ambush incident ha Brgy. Cadac-An Abuyog, Leyte kakulop, ini an iginpatapod han Leyte Police Provincial Office.

Ha interview han RMN kan PSupt. Albert Renomeron, Spokesperson han Leyte PNP, plano yana han mga otoridad nga magmugna hin task group para han imbistigasyon.

“An Leyte Police Provincial Office in mayada plano paghimo hin Special Task Group regarding hini nga incident.”


Ha latest nga inisyal report, alas 11:45A.M nahinabo an ambush incident pero nakadangat an report han Abuyog PNP alas 11:55A.M na sanglit malaksi nga nakapadalagan an mga suspek sakay han duha nga van.

Dugang ni Renomeron, dako an posibilidad nga planado an pag-ambush ha opsiyal han Bureau Of Corrections (BuCor).

“An aton ginpapabuhat ha mga investigators nga makipag-coordinate ha Leyte Regional Prison kay bangin mayada didto footage han CCTV before han jump-off ni Supt. Aro, dako ito nga bulig ha aton investigation.”

Patay an 3 nga personnel han Leyte Regional Prison (LRP) samtang hi Outgoing Supt. Geraldo Aro naman nganhi LRP Personnel Uldarico Mortezo in igindara ha hospital han Tacloban.

Facebook Comments