LGU Gensan pweding kasuhan kung dili tumanon ang kamanduan sa DILG nga ibawal ang traysikel sa Highway-Kag. Gacal

7

General Santos City–Dakong problema karon ang sagubangon sa mga lokal nga opisyales sa dakbayan kalabutan sa kamanduan sa DILG National nga hingpit ng bawalan ang mga traysikel nga mo-agi sa National Hi-Way.

Kini ang nahimong panglantaw ni City Councilor Atty. Jeng Gacal, chairman sa komitiba sa Transportasyon sa konseho nga sumala pa niini nga wala silay mahimo sa kamanduan sa DILG kundili ang ipatuman ang balaod.


Gipaklaro ni Gacal nga kung dili nila tumanon ang mando sa national sila man pod ang makasuhan.
Dugang saysay ni City Councilor Gacal nga kung ila gayud ipatuman ang anaa sa balaod dakong problema sa mga commuters kung asa kini manakay gumikan kay sa pagkakaron kulang gayud ang mga jepneys nga nagabiyahe sa syudad

Saysay pa sa opisyal nga nagadepende kini kang Mayor Ronnel Rivera unsa ang mahimong desisyon niini kung moapela ba kini ngadto na sa DILG kalabutan sa problema sa transportasyon sa Gensan.

Gitin-aw ni Gacal nga kung dili motuman si Mayor Ronnel Rivera sa mando sa DILG ang pwede kining makasuhan tungod kay dugay nang anaa sa balaod nga gibawal ang mga traysikel nga mo-agi sa national hi-way. (Reynald Timario)

Facebook Comments