Sa interbyu sa DXDC RMN Davao kang Michelle Jean Armilla, MDRRM officer, gisulti niini nga walay diskusyon ang LGU sa pagsuspendi og klase sanglit dili man apektado ang lugar sa dili maayong dagan sa panahon, sama sa nasinatian sa ubang probinsya sa Davao Region.
“Dili tinuod nga naay suspension of classes because wala man ‘ta under sa yellow and orange (rainfall) warning. So far, base sa among assessment, wala may significant nga increase sa tubig,” tataw ni Armilla.
Matud ni Armilla, ilaha nang giimbestigahan ang anaa sa likod sa paghimo og peke nga Facebook page, aron kini mapanubag sa iyahang gibuhat.
“Na-identify na namo asa ni nila gi-post o asa ang exact location sa nag-post. Ang IP (Internet Protocol) address nalang gyud ang kuhaon namo. Once makuha ‘ning IP address (ug) kinsa ang regular user aning IP address, dali nalang ang pagtumbok sa particular individual nga minggunit aning selpona,” dugang niini.
Giawhag usab sa MDRRM official ang publiko nga i-report ang maong Facebook page, aron dili na kini muhatud og sayop sa impormasyon o kaha panic sa katawhan.
RadyoMaN Kirby Manzon+
