LGU – Lake Sebu problema ang pipila ka turista nga demanding kag wala nagasunod sa ginapatuman nga health protocols.

28

Plastado suno kay Lake Sebu Municipal Health Officer Dr. Jocelyn Bayquin ang ginapatuman nila nga minimum health standard sa mga tourist destination sa banwa, matapos nga dagsa ang mga nagakadto ilabi na kon weekend.
Apang ang problema lang nila suno kay Dra. Bayquin amo ang demanding nga pipila ka mga indibidwal nga bisan puno na ang mga resort kag iban pa nga tourist attraction sa banwa kag indi na mapatuman ang physical distancing ang mag-insister pa gid nga magsulod.
May-angot sini, hingyo niya sa mga turista ukon nagapadulong sa banwa nga sundon lang ang ginapatuman nga health protocols kapareho sa pagsuksok sang facemask/faceshield, handwashing kag iban para sa kaayuhan ukon proteksyon sang tanan ilabi na sa katawhan sang Lake Sebu.
Dugang pa niya nga kon ibutang sa holding area ang mga may-yara sang sintomas ang indi lang maakig.
Samtang ginaapela man ni Dra. Bayquin sa mga LGU nga disiplinahon ang ila katawhan nga indi sagad lagaw.

Facebook Comments