LGU Tagum: ‘Mental awareness campaign’ pakusgan

20

Davao City – Gawas sa Coronavirus Disease 2019 (COVID-19) Response sa Local Government Unit (LGU) sa Tagum City, Davao del Norte, hatagan usab karon og igong pagtagad sa lokal nga panggamhanan ang ‘Mental Health Awareness Campaign’.

Sa interbyu sa DXDC RMN Davao kang Tagum City Mayor Allan Rellon, gibutyag niini nga posibleng usa lamang ang usa ka 65-anyos nga babae nga misaka og tower niadtong Miyerkules (Pebrero 3, 2021) sa mga tao nga labing naapektuhan sa mga problema hatud sa pandemya.


“Mao ‘ni naghatag nato sa idea nga aside sa amoang response and management (sa COVID-19), naay other aspects nga himuon sa gobyerno unsaon ‘ning mga tao nga na-bored na, medyo na-depress na (tungod sa sitwasyon),” segun ni Rellon.

Matud ni Rellon, daghang mga pamaagi aron masolusyonan ang maong mga problema sama sa pagduol sa mga hingtungdang ahensya sa gobyerno, pag-adto sa simbahan diin abri kini karong panahona, o bisan sa pagpaminaw og programa sa radyo o TV (television) nga makawala sa tumang kaguol ug maghatag og paglaum.

“Basin usa lang ‘ni among the many na nagpakahilom diha karon nga gamay nala’g kulang mo ano na, kanang ginatawag nga suicidal tendency. So, daghan pa diay ta’g ayusonon, tan-awonon karon with that experience nga first time nahitabo diri sa Tagum,” saysay sa Mayor.

Dugang sa Alkalde nga dili angay mawad-an og paglaum.




Gani, bisan sa COVID-19 patients, daghan ang mga matalang naka-rekober sa balatian, rason nga kinahanglang mupadayon sa unahan luyo sa kasamtangang pandemya hatud sa COVID-19.

RadyoMaN Kirby Manzon

Facebook Comments