Libreng operasyon sa mga batang dunay kapansanan ipahigayon sa probinsya sa Bukidnon

12
Ipahigayon dinhi sa probinsya sa bukidnon ang libre nga operasyon para sa mga batang dunay kapansanan pang lawas o Persons with Disability.

Sumala sa buhatan sa Persons with Disability Affairs Division dinhi sa probinsya nga Kini nga programa mo lungtad sa tibook tuig 2022 basi sa pag kompirmar ni Mr. Dominador Libayao, head sa maong buhatan.

Bukas kini alang sa mga rehistradong PWDs nga nag edad 0 hangtud 17 anyos paubos ug gi-certify sa ilang tagsa-tagsa ka mga Local Social Welfare & Development Office (LSWDO) nga nahisakop sa kabus nga pamilya.

Unang lakang himoon sa boot maka angkon sa maong serbisyo mao ang bisita sa ilang tagsa tagsa ka mga local social welfare development office sa syudad o longsod para sa validation.

Pipila sa mga serbisyong itanyag mao ang operasyon para sa mga batang dunay kondisyon nga Cleft Lip & Palate mga problima sa mga bukog sa batiis ug sa kamot lakip ang mga paso sa panit nga wala ma tambalan sa dugay na nga panahon ug mga PWD’s nga kinahanglan ug tabang sa mga doktor sa Prosthetic.

Dakong tabang sumala pa kini sa mga kabata-ang dunay kapansanan sa libreng operasyon nga paloyohan usab sa Tebow CURE Hospital.

Facebook Comments