Magkakaroon ng libreng tuli para sa mga kabataang residente ng Barangay Pinmaludpod, Urdaneta City bilang bahagi ng programang pangkalusugan na naglalayong itaguyod ang kalinisan at wastong pangangalaga sa katawan.
Isasagawa ang naturang aktibidad sa Abril 24, 2026, ganap na alas-8:00 ng umaga sa City Health Center sa naturang barangay. Inaanyayahan ang mga magulang at kabataang nais magpatuli na magtungo sa nasabing lugar sa itinakdang oras.
Pinapayuhan din ang mga interesadong kalahok na magpaunang magparehistro sa kanilang mga health worker o zone kagawad upang masiguro ang maayos at organisadong daloy ng programa sa araw ng pagtutuli.
Ang inisyatibong ito ay bahagi ng patuloy na pagsisikap na maitaguyod ang kalusugan at kapakanan ng kabataan sa komunidad sa pamamagitan ng libreng serbisyong medikal.
Hinihikayat ang lahat na makilahok at samantalahin ang serbisyong ito para sa kapakanan ng kanilang kalusugan. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
