MANAPLA, NEGROS OCCIDENTAL – (UPDATE) Apat ang nagkalamatay sa natabo nga buybust operation sini gid lamang nga aga sa Brgy. Sta. Teresa, banwa sang Manapla.
Duha sa apat ka suspek pa gid lamang ang nakilala kag ini sila amo sanday Alson Aguirre, tumandok sang Silay City kag ginasiling leader sang amo nga grupo subong man mga bodyguards sini nga sanday Ruben Pinoy kag duha pa nga padayon ginakilala.
Ang buybust ginpatigayon sang mga katapo sang Manapla Municipal Police Station pasado las 7 sini gid lamang nga aga sa Had. Bariw, Brgy. Sta. Teresa, Manapla.
Suno sa pulis nga pila ka bulan na nga gina monitor ang mga suspek kag kaina sang aga ginpatigayon na gid man ang operasyon kon diin nagbato ang mga suspek gani ini sila ang natiruhan kag nagkalamatay.
