Lig-on nga pamilya makasalbar sa ‘suicidal person’

14

Davao City – Daku ang kahigayonan nga masalbar ang usa ka tawo sa pagpakamatay kung magpakabana ang pamilya sa ilang kahimtang hilabi na sa kadtong nakasinati og depresyon sa kinabuhi.

Pwede masanta ang posibling pag-suicide sa tawo kun tagdon dayon ang suliran nga gihambing sa usa ka sakop sa pamilya hilabi na kadtong nakasinati og bullying nga maghatud sa sakit nga depresyon.

Dakung kontribusyon sa depresyon ang bullying sa social media nga magpabug-at sa pagbati diin tulay aron matukmod sa pagpakamatay hilabi na kun dili na kaya ang batikos sa mga netizens.

Busa sa obserbahan ni Multi-Sectoral Representative Jess Pagaran nga sagad sa hinungdan sa suicides sa nasud mao ang sobrang gamit sa social media sa internet.

Ang timailhan sa tawong problemado ug nagpuyo na sa depresyon mao ang pag-inusara, paghinuktok, ug magul-anon ang panagway niini.

Ang mga tawo nagbaton ani nga sintomas dili makumpiyansahan gumikan taas ang kahigayonan nga magkumitar og suicide.

Ang kagamhanan sa United Kingdom nagtukod og ‘Minister of Loneliness’ busa daghan sa mga tawo didto nasalbar gikan sa pagpakamatay nunot sa mga problema ug depresyon ug puwede kini sundugon sa gobyerno sa Pilipinas.

Gihingusgan sa Multi-Sectoral representative nga ang lig-on nga pamilya ang labing pinakamaayo nga solusyon, pagtabang, ug pagsalbar sa mga kabanay nga dipris tungod sa di’ matugkad nga problema nga musangko sa pagkamakatay.

RadyoMaN Joel Viray

Facebook Comments