Ligtas Paskuhan 2018 sa PRO XI nahimong epektibo

30

Davao City – Nahimong hapsay ug malinawon ang entero Davao Region atol sa kapaskuhan ug pagsugat sa bag-ong tuig.

Sumala ni Police Regional Office XI spokesperson PCI Jason Baria nga tungod sa hugot nga implementasyon sa Ligtas Paskuhan 2018 nakatala lamang og mga ‘minimal incidents’ ang syudad.


Base sa report sa PRO XI mokabat sa 472 ka mga firecracker related activities ang ilahang natala sama sa illegal possession, used ug pagpamaligya ug mga firecrackers.

Nakatala usab sila og usa ka straybullet incident ubos sa Davao del Norte ug usa ka indiscriminate firing sa Davao Oriental.

Samtang kapin kun kulang 500 ka mga pabuto ang ilahang nakumpiska, 5 ka mga salawayon ang arestado.

Tulo ang angol tungod sa pabuto diin ang mga biktima taga-Digos City, Davao del Sur, Braulio E. Dujali, Davao del Norte ug Baganga, Davao Oriental.

Sa pikas bahin, gipaabot ni Davao City Police Office head PSSUPT Alexander Tagum ang iyahang pasalamat sa tanang counterparts nila sa AFP ug uban pang mga security forces.

Matud ni Tagum nga tungod usab sa ilang koordinasyon ug pagtinabangay nagmalinawon ang syudad atol sa Yuletide Season.

Natapos man ang dakong aktibidad sa syudad apan wala nila giubos ang ilahang alerto subay sa nahitabong pagpamomba sa Cotabato City.

RadyoMaN Aimee Guinita

Facebook Comments

From Advertisers