Davao City – Sunod-sunod gilusad sa Sasa PNP ang buy-bust operation resulta sa pagkasikop sa lima ka drug pushers.
Unang mga nadakpan mao sila Enzo Mariano, 23 santos, ulitawo ug estudyante, ug Aloissa Marie Guibingcan, 23 anyos, marketing manager, dalaga, human gitunol ang inuga nga marijuana ngadto sa pulis nga nagsilbing poseur-buyer.
Nakumpiska gikan sa ilang possession ang mga cellphone, 100 pesos nga mark money.
Gihimo ang operasyon sa ilang girentahan nga balay sa may Sto. Niño Matina ning dakbayan alas 4:30 sa hapon.
Nadakpan usab ang laing usa ka pusher nga si Dennis Polinar, 29 anyos, taga Panabo City, ug ang duha ka drug users nga sila Ferdinand Mondigo, 49 anyos, Alvin Padero, ug Jomarie Olaveja, mga nagpuyo sa Barangay Bagong Silang, Panabo City.
Human nakumpirma ni Presinto 4 Chief of Police Chief Inspector Emerson Pugong ang ilegal nga kalihukan sa mga suspek, gilayon gikasa ang operasyon alas 4:30 sa hapon inabagan sa Philippine Drug Enforcement Agency 11 (PDEA-XI) didto mismo sa balay ni Polinar.
Nakuha sa mga otoridad gikan kanila ang laing upat ka mga sachet sa shabu, aluminum foil, 500 pesos nga mark money ug uban pa nga mga ebidensiya.
Ang lima pasakaan og kaso sa piskalya gumikan sa pagsupak sa Republic Act 9165 kun Comprehensive Dangerous Drugs Act Of 2002.
RadyoMaN Joel Viray
