Sikop sa mga sakop sa Station Drug Enforcement Team sa Polomolok Municipal Police Station ang lima ka mga suspek gilangkuban sa tulo ka lalaki og duha ka babaye pinaagi sa anti-drug operation sa munisipyo sa managlahing adlaw.
Gibutyag ni Police Chief Inspector Alex Joe Orcajada ang hepe sa presinto sa kapolisan nga dili ma-deny sa mga suspek ang pagkalambigit nila sa iligal nga transaksyon sa droga sa maong lugar human gipailawom sa hugot nga monitoring.
Giila ni Chief Inspector Orcajada ang mga suspek sa pangalang Ganite nga nadakpan sa may Purok Matulungin Barangay Magsaysay nga nakuhaan og pakete sa shabu og 500 pesos nga marked money nasikop niaging adlawng Lunes.
Samtang sunod nga natagak sa operasyon niaging gabie adlawng Myerkules ang duha ka babaye sa may Brgy. Cannery giila sa mga pangalang Star Hope Masalon nga taga Tupi South Cotabato ug Cyril Jade Barlisa na taga-Apopong GenSan nga nakuhaan sad og pakete sa shabu og 500 pesos nga marked money.
Nadakpan sad ang laing duha ka lalaki sa follow up operation sayo sa buntag adlawng Huwebes sa may Rañada Poblacion giila silang Elvy Belotillo ug Jojo Salbetonio human napalitan og large sachet og duha ka medium sachet sa shabu gamit ang 2 mil pesos nga marked money.
Dugang ni Orcajada nga myembro sa grupo nga nagpayuhot og iligal nga droga ang nasikop sa follow up operation samtang street level drug peddler ang nag-inusarang nadakpan batok droga.
Parehong nag-atubang sa kasong pagsupak sa Comprehensive Dangerous Drugs Act ang lima ka mga suspetsado.
*For more info’s and updates, like and share our official facebook account : www.facebook.com/ifm91.9Gensanofficial/ <www.facebook.com/ifm91.9Gensanofficial/>*
