Lima ka adlaw nga zonal lockdown sa usa ka purok sa Malapatan gipatuman

33

Malapatan, Sarangani Province – Gipatuman karon sa munisipyo sa Malapatan ang pag-lockdown og lima ka adlaw sa usa ka purok tungod nakatala na usab og positive case sa Covid-19.

Sa abiso sa Local Chief Executive sa munisipyo sa Malapatan – Mayor Salway Sumbo Jr., usa ka kumprador og isda sa fishport sa General Santos City nga taga Poblacion ang nagpositibo ug kini asymptomatic.

Gipatuman karon ang paglockdown sa Purok 5A, Barangay Poblacion sugod alas-12 sa tungang gabie og magdugay sulod sa lima ka adlaw hangtud nga mahuman ang contact tracing, rapid testing ug disinfection sa September 14, 2020.

Dugang pa sa abiso ni Mayor Sumbo, pwede pang ma-extend o mapamubo ang zonal lockdown depende sa outcome sa contact tracing.

Gipa-istrikto usab ang pagbantay sa mga entry ug exit points sa lockdown area samtang may ihatag sab ang lokal nga panggamhanan nga ayuda ngadto sa apektadong pamilya sa maong lugar.

Ang maong kumprador na-swab na niadtong Dominggo sa buntag og nigawas ang resulta nga nagpositibo kini sa Covid-19 duha ka adlaw gikan sa pag-swab.

Anaa na karon sa isolation facility ang nagpositibo sa Covid-19 nga kumprador og isda.




Gipaklaro usab sa labawng ehekutibo sa munisipyo nga walay local transmission sa Malapatan og gihangyo niini ang ilahang katawhan nga dili magpanic og istriktong obserbahan gihapon ang mga health og quarantine protocols.

For more info’s and updates, like and share our official facebook account: www.facebook.com/ifm91.9Gensanofficial/
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: sarangani_malapatan.png]

Facebook Comments