Tungog sa kakusog sa hangin, lima ka balay ang natumbahan sa punoan sa sambag sa Purok 3, Barangay Tablon ning syudad mga ala una kapin kon kulang kagahapong adlawa.
Kini ang gibutyag ni Gabriel Gono, Barangay Tanod sa Barangay Tablon sa dihang gibisita sa dxCC-RMN Cagayan de Oro.
Matud ni Gono nga ang mga balay gipanag-iyahan nilang Magnolia Arnol, Emiliano Arnol, Ludina Layan, Roger Cabunoc ug Ronel Tupag.
Miresponde sa lugar ang mga personahe sa Bureau of Fire Protection ug barangay tanod sa Barangay Tablon.
Mahinumduman nga nakasinate og kusog nga ulan ang syudad kagahapong adlawa ug tungod sa kakusog sa hangin kay duol kini sa dagat maong nalukat ang maong dakong punoan sa sambag.
Atol sa insedente nangaputol ang wire sa ilang kuryente ug walay gikatahong samaran.
