Lima ka kagawad sang Barangay Tangub nagreklamo sa CIDG batuk sa PB kag iban pa bangud sa gina-alegar anomaliya sa payroll sang mga JO

10

Nagpaathag ang lima ka kagawad sa Barangay Tangub angot sa gina-tudlo mga anomaliya sa ila barangay nga nag-resulta kon sa diin ila gin-hold ang sweldo sang mga job orders.

Gina-klaro nanday Kagawad Katrina Joan Sonota, Kgwd. Sally Cańada, Kgwd. Dindo Amadeo, Kgwd. Eduardo Lavadia kag Kwgd. Jose Montańo ang pila ka isyu bangud nga sila ang ginabasol sang mga trabahante sang barangay sa diin wala sila na-swelduhan sa bulan sang Enero.


Paathag ni Kagawad Sonota nga ila ginapangita ang kapin sa 91 ka job order nga kalabanan mga street cleaners antis ma-aprubahan ang ila nga payroll.

Dugang pa ni Sonota nga ang ginabaton sang mga JO ang sweldo/allowance kada bulan ang 500 pesos lang apang sa ila gin-pirmahan nga payroll ang ila sweldo amo ang 2500 pesos kada bulan. Bangud sini, wala nag-pirma sa resolution to hire kag resolution to withdraw ang lima ka kagawad bangud nga ang napakita lang sang acting punong barangay nga si Luz Atienza ang kapin sa 49 lang ka JO.

Luyag kuntani sang mga naga-reklamo nga kagawad nga personal nga magpadulong sa barangay hall ang mga JOs agud sila gid magkuha sang ila allowance.

Sa bahin naman sang barangay workers, may yara sang nakit-an sila nga duha ka empleyado nga lain ang pirma sang ila payroll samtang lain naman ang pirma sa naka-attached nga ID.




Nahusisa-an sang mga kagawad sang barangay Tangub ang ginatudlo nga iregularidad sa payroll sang barangay workers bangud nga may yara sang isa ka plantilla nga nadala para sa 2021 budget allocation apang napatay na ang amo nga empleyado sang 2019 pa.

Ang lima ka barangay kagawad ang nagpalab-ot naman sang ila reklamo sa CIDG kag Office of the President batok kay suspended Punong Barangay Noli Villarosa, OIC Punong Barangay Luz Atienza, Barangay Treasurer Teresa Domadiego, Barangay Secretary Reystine Joy Cabalhin, Barangay Kagawad Jose Ray Pendon (chairman committee on finance) bangud sang ginatudlo nagkalain-lain nga anomaliya sa barangay.

Sa interview kay Villarosa, ginpahayag sini nga wala pa niya nabaton ang reklamo sang iya mga kagawad.

Nahibalu-an nga si Villarosa ang supendido sang anum ka bulan bangud sang kaso sini sa Social Amelioration Program – SAP sa diin sa Marso pa ini maga-balik sa pwesto.

Ang Barangay Tangub ang may tuigan nga IRA ukon internal revenue allotment nga nagalab-ot sa 37 milyones pesos.

Bukas man ang RMN-DYHB sa paghatag sang ila bahin/sabat sa mga gina-reklamo nga opisyal sang Barangay Tangub.

[image: image.png]

Facebook Comments