LIMA KA MAGBARKADA NGA NAGPALIGO SA BUSAY SA SAN REMEGIO, ANTIQUE, GIN-ANUS SA GULPI NGA PAGBAHA, DUHA ANG PATAY, DUHA ANG MISSING KAG ISA ANG NAKA-SURVIVE

Duha ang patay , duha ang missing kag isa ang naka-survive sa lima ka mag-barkada nga gin-anud sang gulpi nga pagbaha samtang nagapaligo sila sa Taraw falls sa barangay Trinidad, San Remegio, Antique, kahapon sang hapon (Mayo 19).
Ini ang ginkumpirmar ni Police Staff Sgt. Julie Job Meles sang San Remegio PNP sa interview sang RMN Iloilo.
Suno kay Meles nga naghagaray ang lima ka magbarkada nga maligo sa busay apang hinali lang nga nagbubo ang mabaskog nga ulan kag gulpi man nga nagdaludo ang tubig baha kabangdanan gin-anud ang mga biktima.
Ginkilala ang duha ka napatay nga sanday Welyn Grace Dalmacio, 21 anyos sang barangay Odiong, Sibalum, Antique kag si Rejun Abella sang Cabiawan, San Remegio, Antique.
Ang duha nga missing amo naman sanday Miria dela Jaime kag alyas Godong Valensosa sang Cabiawan, San Remegio Antique kag ang nakasurvive amo naman ang 10 anyos nila nga kaupod.

Facebook Comments