Lima ka mga pulis sa Rehiyon Onse gipang relieve

Davao City – Gipangrelib sa ilang mga pwesto ang lima ka mga pulis sa Lupon Municipal Police Station human sa giingong pagpusil sa usa ka subject sa warrant of arrest.

Sumala ni Police Regional Office (PRO)-Davao spokesperson Police Major Eudisan Gultiano nga na re-assign ang mga nasangpit sa Regional Personnel Holding and Accounting Section (RPHAS) sa PRO-Davao niadtong Pebrero 16 subay sa mando gikan sa PRO-XI director.

Giila ang mga na relib nga mao sila Police Executive Master Sergeant (PEMS) Dominador Ambes Sarita, Police Senior Master Sergeant (PSMS) Arnel Baclohan Cantiga, Police Master Sergeant (PMSg) Henry Requiso Loren, PMSG Rolly Amarillo Sajulga, ug Police Staff Sergeant (PSSg) Reynaldo Herbas Tribunalo Jr.


Nasayran nga giserve sa mga nalambigit nga pulis ang warrant of arrest sa usa ka Morito Lapay nga taga Purok 10-A, Barangay Poblacion, Banaybanay, Davao Oriental, sa kasong pagpatay sa usa ka engineer diin matud pa misukol ang maong suspek.

Gibunlot niini ang .38 kalibre sa armas dayon pusil kang Sajulga sa duha ka higayon rason nga mibalos ang ubang opisyal ug naigo ang suspek sa too nga bahin sa paa niini.

Sa pagkakaron nagoadayon ang imbestigasyon sa awtoridad labot sa maong insidente.

Sa pikas bahin mipasaka usab og kaso ang Lupon MPS og illegal possession of firearms and ammunition ingon man attempted homicide batok sa suspek didto sa Provincial Prosecutor sa Davao Oriental.

RadyoMaN Jason Amisola

Facebook Comments