Duha ka magkasunod nga buy bust operation ang ginhiwat kagab-i sang Oton PNP sa pagpanguna ni Police Major Gervinson Moyo
Una nga buy bust operation ginhiwat alas 6:05 sang gab-i sa Poblacion east, oton nga nagresulta sa pagkadakop sa tatlo ka mga subject nga sanday Victor Esprago,22 anyos, Janrey Tamon kag si Eric Villaresco.
Nabaklan ang mga ini sang poseur buyer sang isa ka sachet sang suspected shabu sa balor nga 2,000 pesos kag nakuhaan pa gid sa ila paghinakop sang 2 ka sachet sang illegal nga druga kag 1,450 pesos nga cash nga ginapatihan benta sa pagbaligya sang druga.
Samtang, masunod nga buy bust operation ginhiwat alas 7 sang gab-i sa Poblacion West, Oton, Iloilo nga nagresulta man sa pagkadakop sa mga subject nga sanday Ernielyn Reposar kag Hendor Doronio.
Nabaklan ang mga ini sang isa ka sachet sang suspected shabu sa balor nga 2,000 pesos kag nakuhaan pa gid sa ila paghinakop sang tatlo ka sachet.
Sa karon priso na ang lima sa Oton Police Station kag magapangatubang sang kaso nga paglapas sa RA 9165.
