Nasikop sa mga personahe sa Police Station 5 Macabalan ang lima ka tawo atol sa gipahigayong drug buy bust operation sa Barra, Barangay Macabalan ning dakbayan mga alas sais kapin kon kulang kagabie.
Target sa maong drug buy bust operation naila nga si Tony Caangay, nasikop usab sa silang Ramil Calio, 33 anyos, Ryan Gerago, 31 anyos, taga Oro CVhain Village, Barangay Carmen, Mariano Vidad, 31 anyos taga Parola, Macabalan, Michael John Bosque, 32 anyos taga Barra, Macabalan.
Nasayran nga napalitan kining si Caangay og usa ka sachet nga adunay sulod sa gitoohang shabu gamit ang 500 pesos nga buy bust money.
Nakuha usab sa ilang posisyon ang lain pang duha ka dagko nga sachet nga adunay sulod sa gitoohang shabu, lain pang upat ka gamay nga sachet nga adunay sulod sa gitoohang shabu lakip na lighter ug aluminium foil isip tooter.
Mokabat usab sa 12,000 pesos ang market value sa illegal nga droga nga nakuha sa ilang posisyon.
Samtang sa pagkakaron detinado na sa PS5 Macabalan ang mga suspetsado og posibleng mag-atubang sa kasong paglapas sa RA 9165 o comprehensive dangerous drugs act of 2002.
