Davao city – Naabtan sa dimalas ang usa ka mangingilad nga migamit sa Lingap Para sa Mahirap aron makapangilkil og salapi sa mga pasyente sa Southern Philippines Medical Center.
Nadakpan ug napreso na karon sa Buhangin PNP si Jan Paul Albirio human nabuking ang iyang pagpangilad sa pipila ka pasyente sulod sa SPMC alas 9:00 sa buntag kagahapon adlawa.
Mismo ang Admin Staff sa ospital nga si Romualdo Cenabre ang nagtaho sa Buhangin PNP mahitungod sa aktibidad sa suspek.
Nasayran nga nabulgar ang aktibidad sa suspek dihang usa sa mga nahimong biktima mipaabot og reklamo sa pamunuan sa SPMC.
Modus sa dinakpan ang pagpeke og mga dokumento sa Lingap Para sa Mahirap aron makumbinse ang mga biktima nga siya na lamang ang magproseso sa mga papel bugti sa pangayoon nga kantidad.
Hangtud ning pagtaho, wala pa’y giluwatan nga reaction ang tagdumala sa mao nga buhatan labot sa paggamit sa pangalan sa Lingap Para sa Mahirap sa modus ni Albirio.
RadyoMan Joel Viray
