Davao City- Gipangunahan ni Davao City Mayor Inday Sara Duterte-Capio ang opisyal nga pagbukas sa labing unang Lingap Para sa Bayan One-Stop shop karong adlawa.
Gisugdan ang soft-opening sa maong opisina pinaagi sa blessing and prayer dayon misunod ang cutting of ribbon nga gitambongan sa mga opisyal sa nasudnong buhatan ug sa lokal nga kagamhanan.
Partner sa Lingap Para sa Bayan One-Stop shop ang Department of Social Welfare and Development 11, Philhealth, ug Philippine Charity Sweepstakes Office sa pagserbisyo sa mga Dabawenyo.
Ang katuyuan sa programa mao nga mas mapasayon ang pag-access sa mga Dabawenyo ngadto sa naasoy nga mga ahensiya kung magkinahanglan sila og tabang alang sa ilang mga pasyente sa Southern Philippines Medical Center.
Matud ni City Administrator Atty.Zuleika Lopez mismo ang mayora ang nagsugyot sa one-stop shop human kini gibati og kalooy sa mga tawo nga magdagsa sa city hall aron mangayo og tabang.
Kasamang Joel Viray
tags: Mindanao, Davao City, DXDC, DXDC 621, Lingap Para sa Bayan One-Stop shop, Mayor Inday Sara Duterte
