Liquor ban, curfew sa Davao City gi-extend

27

Davao City – Extended hangtud sa Marso 31, 2021 ang liquor ban ug curfew sa syudad sa Davao epektibo sugod Enero 31 karong tuiga.

Kini subay sa Executive Order (EO) No. 05 Series of 2021 nga gipagawas sa City Government of Davao kagahapong adlawa (Enero 29, 2021).


Gibaha usab og reaksyon gikan sa netizens ug Davaoeños ang maong extension partikular na sa liquor ban diin matud ni sa netizen nga si Lady Lie Roda, aduna gihapoy mga naga-inom ug mahubog tungod kay aduna man gihapoy sekreto nga nagabaligya og ilimnon.

“Useless gihapon na ang liquor ban. Daghan lang man gihapon hubog kay daghan man ang mapalitan na patago. Hahay!,” kumento niini.

Gikasubo usab ni Margz C. Pama ang extension sa liquor ban diin ginahatagan og higayon nga
makapamaligya og mahal ang mga patago nga vendors.

Usa usab ang netizen nga si Paras Eurie nga naglaum nang daan nga ma-extend ang curfew ug liquor ban ug posibleng ma-extend pa kini human ang Marso tungod sa taas nga kaso sa Coronavirus Disease 2019 (COVID-19) sa dakbayan.




Nasayran nga tumong gihapon sa lokal nga gobyerno nga malikayan ang panagtapok o mas gatherings tungod sa inom nga dakong risgo sa pagkatag sa COVID-19.

RadyoMaN Kirby Manzon

Facebook Comments